• ५ फाल्गुण २०७५ आइतबार/ Sunday 2-17-2019
  • स्टुडियो टाईम : ०३:३३

निर्मलालाई न्याय दिलाउन झापा सहित देशभर प्रर्दशन

काकरभिट्टामा प्रदर्शनमा उत्रिएका स्थानीय ।

काकरभिट्टा, ३० भदौ । बलात्कारपछि हत्या गरिएकी कञ्चनपुरकी १३ वर्षीया वालिका निर्मला पन्तका लागि न्याय माग गर्दै शनिबार झापा सहित देशभर प्रदर्शन भएको छ ।
‘निर्मलाको निम्ति न्याय’ अभियान अन्तर्गत देशका विभिन्न ठाउँमा स्वतः स्फुर्त रुपमा आज दिनभर प्रदर्शन भएको थियो । बलात्कारी लाई तत्काल खोजी गरी कानूनी कारबाहीको दायरामा ल्याउन माग गर्दै झापाको काकरभिट्टामा आज बिहानै प्रदर्शन गरिएको थियो । स्वत स्फुर्त रुपमा सडकमा उत्रिएका स्थानीयले निर्मलाका हत्यारालाई तत्काल कारवाहीको माग गरेका थिए । प्ले कार्ड सहित सडकमा उत्रिएका प्रर्दशनकारीहरुले काकरभिट्टा बजार क्षेत्र समेत परिक्रमा गरेका थिए ।  
यस्तै निर्मलाका हत्यारालाई पक्राउ गर्न सरकारी संयन्त्रले ढिला सुस्ती गरेको आरोप लगाउँदै देशका बिभिन्न ठाउँमा आज स्वतस्फुर्त रुपमा प्रदर्शनमा हजारौं स्थानीयहरु सडकमा उत्रिएका थिए ।
काठमाडौंको माइतीघर मण्डला, सिन्धुपाल्चोकको हेलम्बु, बाँकेको नेपालगञ्ज, कास्कीको पोखरा, सप्तरीको राजबिराज, सुनसरीको धरान, इनरुवा, इटहरी, मोरङको विराटनगर, झापाको दमक र अर्जुनधारामा लगायत ठाउँमा पनि प्रदर्शन हुँदैछ ।

निर्मला पन्तको बलात्कारपछि हत्या भएको ५२ दिन भैसक्दा समेत दोषीको पहिचान अझै हुन सकेको छैन । प्रहरीले प्रमाण लुकाएको भन्दै स्थानीय बासिन्दाले पहिलेदेखि नै सरकारको ध्यानाकर्षण गराउँदै आएका छन् ।

प्रदर्शनमा सहभागीहरुले निर्मलाको बलात्कार र हत्यामा संलग्नलाई पहिचान गरी कारवाही गर्न माग गरेका छन् ।

 

प्रतिकृया दिनुहोस

सुर्खेत घोषणा पत्र जारी गर्दै रेडियो सम्मेलन सम्पन्न

# राष्ट्रिय

३ फाल्गुण, २०७५

सुर्खेत, ३ फागुन (जागरण) । सुर्खेत घोषणा पत्र जारी गर्दै सामुदायिक रेडियो प्रसारक संघ (अकोराब) को १४ औँ वार्षिक साधारणसभा तथा सामुदायिक रेडियो

मौसम आज रातिबाट क्रमशः सुधार हुँदै जाने

# राष्ट्रिय

२६ माघ, २०७५

साथी न्युज डेस्क  माघ २६     हिजोबाट सुरु भएको मौसमको बदली आज रातिबाट क्रमशः सुधार हुँदै जाने जल तथा मौसम पूर्वानुमान महाशाखाले बताएको छ । आज

आज पनि पानी पर्ने, आइतबारबाट मात्रै मौसममा सुधार

# राष्ट्रिय

२५ माघ, २०७५

माघ २५ ।। पश्चिमी वायुको प्रभावले काठमाडौँ उपत्यकासहित देशका विभिन्न ठाउँमा वर्षा र पहाडी भूभागमा हिमपात भइरहेको छ । आज पनि पहाडी भागमा पानी पर्नेछ